فرقة نو بلوز

"نو بلوز" تمثل تقاطع وملتقى لموسيقى البلوز الشعبية مع الموسيقى العربية، بدأت فرقة "نو بلوز" في عام ٢٠٠٤، حين اجتمع كل من "آد فان مورز" عازف الجيتار ومغني الرئيسي،"هيثم صفية" عازف العود ومغني رئيسي،"آن مارتن فان هوفيلين" عازفة الباس المزدوج وقرروا دمج موسيقى البلوز الأمريكية مع الموسيقى العربية، لإكمال المجموعة في أول الجلسات التسجيلية انضم لصف "نو بلوز" كل من "آنكي كولتجس" مغني و"أسامة مليجي" ضابط الإيقاع ومغني رئيسي.

تتناسب موسيقى البلوز الشعبية مع موسيقى التقسيم العربية بشكل استثنائي، حيث تملك كلتاهما القدرة على سرد القصص، نجحت "نو بلوز" في إيجاد الملتقى التي تتقابل فيه موسيقى البلوز الأمريكية مع الموسيقى العربية، هذا الدمج بين نوعي الموسيقى يمكن تسميته بالأرابيكانا، وهي موسيقى مفعمة بالأحاسيس ومصحوبة بأغنيات تتحدث عن مواضيع تخص الناس عامة بالإضافة لمواضيع الحب والحزن، مقدمة للجمهور بتقاليد تبين خصائص البلوز الغربية والتقسيم العربية.
من عام ٢٠٠٥ إلى عام ٢٠١٢، أصدرت "نو بلوز" خمسة ألبومات موسيقية ناجحة، وداعآ شلبية ٢٠٠٥، يا دنيا ٢٠٠٧، لومين ٢٠٠٨، هيلا هيلا ٢٠١٠، نوع نو بلوز ٢٠١٢.
نو بلوز فرقة موسيقية تجمع بين عالمين مختلفين من الصعب تطابقهما، ما زالت تقدم أقوى العروض مع قاعدة جماهيرية تنمو بشكل مستمر، حيث تأسر طبيعة موسيقاها المستحيلة والغريبة كل من يستمع لها.

http://www.noblues.nl/about/

مقطع بسيط من عزف الفرقة الخرافية في مؤسسة عبد الحميد شومان

ابو محمد النشمي

ابو محمد اردني نشمي من عامة الشعب وضعه مثل وضع الاغلبية

ابو محمد عندو ابن اسمو محمد

محمد كبر ودخل مدرسة وما كان شاطر كتير

محمد وصل التوجيهي ونجح بالغش لانه اخد الامتحانات بالسلط

محمد دخل جامعة حكومية بالنظام الموازي عشان يدرس هندسة حاسوب

محمد تخرج كمهندس حاسوب وما لقى شغل بالبداية

ابو محمد باع قطعة ارض عشان يدرس ابنه ماستر بامريكا

محمد رجع حامل ماستر وصرله 4 سنين بدور على شغل

محمد لقى شغل بي 450 ليرة

ابو محمد عندو ابن ثاني اسمو علي

علي نجح بالتوجيهي على الحفة

علي دخل الاكادمية الملكية لتعليم الطبخ

علي خلص دراسة بسنتين وتوظف بفندق

علي باخد 4000 دينار اردني

ابو محمد مش فخور بابنه علي فخور بابنو المهندس حامل الماجستير

ابو محمد عندو بنت درست صيدلية

ابو محمد بأمن انو حياة البنت بس جواز واذا ما بتتجوز بتكون فاشلة وعار

بنت ابو محمد ياسمين بتكمل ماجستير على حسابها

ياسمين بتكمل دكتوراه على حسابها

ياسمين بتصير دكتورة بتدرس بجامعة

ياسمين بتترفع لرتبة بروفيسور

ياسمين بتدخل مسابقات عالمية بالبحث العلمي

ابو محمد غير فخور بايسمين لانها عانس

ابو محمد فخور بابنه محمد لانه البكر والمهندس الي حامل الماجستير

The Children's Museum Jordan - متحف الأطفال الأردن‎

متحف الأطفال الأردن 

مؤسسة تعليمية غير ربحية وهو إحدى مبادرات جلالة الملكة رانيا العبدالله أطلقتها عام 2007.

يقع المتحف داخل حدائق الملك حسين, ويمتد على مساحة أكثر من 7.000 متر مربع

اليوم الجمعة 16-4-2016 ذهبت انا وعائلتي الى متحف الأطفال وكانت اول مرة بدخل المتحف بحياتي وانبهرت بهذه المؤسسة التعليمية ودهشت انها بالاردن

دخولية المتحف: 3 دنانير اردني على الفرد

صفحة المتحف على الفيسبوك 

https://www.facebook.com/ChildrensMuseumJO/

الترحيب كان رائع والكادر التطوعي اكثر من رائع ومرح وبقابلوك بابتسامة وكل اشي بمشي على قانون وبمشي على الجميع

قسم اعضاء الانسان

حاسة اللمس

هذا جزء من قسم اعضاء الانسان الطفل يتعلم ما هي حاسة اللمس وكيف يميز بين السطح الساخن والبارد

جولة داخل الجهاز الهضمي

 

حاسة الشم

هنا يتعلم الطفل عن حاسة الشم والقواطع بالاسفل تخرج رائحة لميز الطفل الروائح وهذا الجهاز عبارة عن لعبة جميلة 

العين

جهاز يشبه العين في الانسان مع شرح كيفية عمل العين بطريقة مبسطة للاطفال

الجهاز الدوراني والقلب

جهاز يحسب عدد نبضات القلب مع تصوير كامل لطريقة عمل القلب

الدبابيس لعمل الاشكال

المتسلق المغامر مصطفى سلامة

استديو الفن

الحديقة السرية

الواقع الافتراضي

قامت زين بدعم متحف الأطفال منذ تأسيسه، حيث ساهمت بتجهيز جناح الإتصالات في المتحف بالإضافة الى رعايتها للعديد من الأنشطة التي يقيمها على مدار السنة، وتقدر مساهمة زين في دعم المتحف بحوالي المليون دينار منذ تأسيسه .

كما دعمت زين مشروع المتحف المتنقل الذي اطلقه المتحف في العام 2012. الذي يهدف الى نقل المتحف الى جميع محافظات المملكة لغايات تعميم الفائدة على أكبر عدد ممكن من الأطفال،  بالاضافة الى دعم الشركة لمشروع  " رحلتنا الى متحف الاطفال" بالشراكة مع وزارة التربية والتعليم وشركة جت والذي يقوم باحضار طلاب لزيارة متحف الاطفال من المناطق الفقيرة والاقل حظأ دون ان يتحمل الطالب اي من التكاليف التي تترتب على هذه الرحلة

وفي حزيران 2015، قامت جلالة الملكة رانيا العبدلله، خلال جولتها في المتحف، بافتتاح ركن "الواقع الافتراضي" الذي قامت زين بتجهيزه بالكامل ويضم ثلاثة أجهزة تستخدم تقنية الأبعاد الثلاثية المتطورة لعرض العلوم بطريقة مبسطة وتفاعلية تساعد الأطفال على فهمها والاستمتاع بها.

اللياقة البدنية

ملعب الخيال

مسرح الدمى

المكتبة

طاولات الموسيقى

 البقالة

غرفة الاذاعة

رحلات قديمة

البنك

 البنك مقدم من البنك الاهلي 

"نفخر بشراكتنا مع مؤسسة مختصة برعاية الطفولة كمتحف الأطفال، وذلك لقدرتها على المشاركة الفاعلة في تعزيز التنمية المتوازنة لمختلف الجوانب اللازمة لنمو الطفل، وذلك لما توفره من بيئة تعليمية واجتماعية تفاعلية وممتعة لرواده من الصغار وأسرهم على حد سواء."

الكهف والاثار القديمة

الكراج

الكراج مقدم من شركة تويوتا المركزية

حوض السمك

 الطاقة والتوفير

 المركبة الفضائية

حقوق المراة

 

في جيم من جيمات عمان الرخيصة هناك شخص يصف نفسه بالدكتور وانه مستشار كبير في المدينة الطبية
والشخص يعترف ان الزمن قد لحقه على حد قوله وسبقه ولم يتزوج الا على الاربعين وبما انني امارس رياضة المشي بين الفينة والاخرى قد دار هذا الحديث بيننا ونحن نتصبب عرقا
الدكتور: انت ليش بتمشي وهالك حالك؟
انا متفاجىء مع بوكر فيس: بدي اخفف وزني وانت ليش هالك حالك حاسك راح تموت مع قليل من السخرية بالكلام
الدكتور بدا سلسة طويلة من الكلام الممل الذي لا مهرب منو بدا بتعريف نفسه وانه خريج بريطانيا واخذ منحة جيش ومن سوالف الحصيدة
استهل كلامه وقال هل تصدق انني متزوج من شهر فقط وانا هنا لان زوجتي لا يعجبها وزني الهائل وبدا حديث استوقفني قليلا حتى انني خففت السرعة وبدا استمع بجدية
الدكتور انا تزوجت على كبر زي ما انت شايف وتزوجت عانس وسترت عليها
انا بردت فعل غريبة وكلام عفوي بحت: ليش هي كانت مفضوحة ببيت اهلها؟
استغرب الدكتور الكلام وانصدم وخفف السرعة ونظر الي نظرة متفاجئة منصدمة وعلق لا مش هيك بس هي عانس وانا سترت عليها لا لا قصدي طلعتها من المصيبة الي هي فيها وقال انها مديرة موارد بشرية في بنك وان عمرها 29 سنة
فزدت السرعة تدريجيا وبدات اتمتم 29 سنة في ريعان شبابها وانها شخص ناجح وليس مفضوح او واقع بمصيبة
فرد هو الاخر وقد مسح عرقه الذي تصبب بسبب المجهود او بسبب الحوار لا ادري قال اننا في هذا المجتمع التي لا تتزوج هي شخص واقع في مشكلة كبيرة والناس بتنتقدها وبتنتقد اهلها وهاي هي المصيبة وانا بعفوية كاملة ابتسمت ابتسامة من الذان للذان وانا الهث وقلت خرا على الناس، المهم الواحد يكون ناجح ومبسوط والناس دايما تفكيرها منحط وبدها اشي تحكي فيه
فرد بسرعة قبل ان اكمل حديثي قال البنت مهما تكون شخص ناجح فهي انثى ومخلوق ضعيف ينجر وراء العواطف وهي ضلع ادم الاعوج وقال وقد بدا انه معصب ان العانس هي عار للاهل والمجتمع واطفىء الجهاز ومسح عرقه وبدا بشرب الماء وهو يلهث وحكالي شكلك من جماعة حقوق المراة حكيتلو لا طبعا
انا من جماعة الناس الي بتفكر وبتحب الانثى ما تسمى عورة ولا عانس ولا ضلع اعوج ولا فضيحة ولا عار ولا بحاجة لرجل يطلعها من المصيبة الي هي فيها هاي الانثى هي امي واختي وزوجتي وبنتي وبنت عمي وبنت قريتي وبنت مجتمعي وبنت بلدي وحتى اختي بالاسلام
فسلم علي باليد بعد ان اوقفت الجهاز وقال الله يهديك انت وهالجيل الصاعد والله لتدمروا عاداتنا وتقاليدنا واسلامنا
حكيتلو شكرا انا سعيد بالكلام معك وقد زاد يقيني ان الشهادات والاموال لا تصنع الانسان الذي يصنع الانسان والمجتمع هو العقل والعلم والبعد عن التخلف والرجعية
وزممت اغراضي قبل ان انهي فترة تدريبي المملة وخرجت من الجم وصعدت الى السيارة وانا افكر بشيء واحد فقط كيف يمكن لشخص مثلي بسيط ومثله مثل الناس ان يغير تفكير المجتمع المتحجر وما ان خرجت للشارع حتى اصبحت فرد من المجتمع ونسيت كل شيء وبدات بالصياح على التكسي الواقف وساد مدخل الكراج لانه بتفاصل مع الراكب والسب والشتم على سيارة اخرى قطعت الاشارة حمراء وكاد ان يعمل كارثة والتوتر الخرافي وانا العب ماريو بالشارع لاهرب من الحفر حتى لا احتاج ان انزل وابحث عن قطع السيارة بالشارع
وانتهى يومي ومغامرتي البسيطة وانتهى كل شيء

ان تطعم جائع خير من ان تبني جامع

 

 

في يوم الجمعة المبارك كنت اتمشى وانا استمع لموسيقى الصخر والمعدن بعد وجبة دسمة جدا
وانا احمل كتاب في شرح العقيدة الطحاوية فاذ بشيخ من عامة الشعب رصدني بعينين ثاقبتين ونظر للكتاب نظرة صقر يستعد للانقضاض على فريسته
فجاء مسرعا مهرولا فقال لي السلام عليكم اخي انا الشيخ الفلاني وبجمع تبرعات لمسجد قريب سوف نبنيه باذن الله
فكانت ردت فعلي ان اخفيت الكتاب وراء ظهري وقلت له الله يعطيك ويحققلك امنيتك
فبدء بسلسة عظيمة من الحديث عن فضل التبرع واقامة المساجد ولا اخفيكم سرا انني كنت اشعر بالملل وقد جاء من يسليني ويخرجني من حالة المعدن التي كنت بها
فقلت له بالعامية لانه قد طبخ راسي بالفصحى التي ينصب فيها الفاعل ويجر الفعل
فقلت له اسمع قديش صرت مجمع عشان اتشجع واساعدك فحكالي ولاد الحلال كتار صرنا مجمعين اكثر من 5 الاف دينار
فصدمت من صراحة الشيخ، واستهلت كلامي وقلت له
شيخنا اليس من الافضل اطعام الفقراء من بناء المساجد فقال لي ويحك وقد قرا علي الاية التي بمعناها ان الذي يمنع المساجد التي يذكر فيها اسم الله في النار
فقلت له اسمع يا شيخ وما بعرف ليش بتحكي عن حالك شيخ اللحية والدشداشة ما بتعطيك تصريح انك تحكي عن حالك شيخ بس ما علينا شوف بهاي المنطقة لحالها في 5 مساجد وعدد لا باس فيه من المصليات وما بنحتاج مساجد فغضب وحسيته بدو يضربني وتحدث بعنف هناك الشيخ الكبير الذي لا يقدر ان يصلي بعيدا يجب بناء مسجد قريب منه فقلت بصوت هادىء رايق شيخ وين مخك صديقي ابني مسجد بكلف الاف دنانير لشيخ كهل ولا اطعم مئات العائلات المستورة وما اعطيتو مجال يرد علي واكملت بان هناك عائلة بنفس الشارع الذي نحن فيه لا يوجد في بيتهم حمام ولا يوجد حتى بيت صالح للاستخدام البشري فلنذهب اليهم واعطهم قليلا مما معك فقال لي انها ليست وظيفته ان وظيفته المكلف بها هي لم تبرعات للمسجد بعفوية قمت بتغطية السماعات في جيبي وقد انفصلت عن جهازي الذكي واذ بصوت المعدن يصدح في الشارع ونظرته لي لو صورت لحصدت ملايين الايكات الفيسبوكية
فقال لي ان الاغاني حرام وانت تحمل كتاب في العقيدة ماهذا ؟ قلت له بصراحة تامة انها موسيقى الشيطان يا شيخنا العزيز استمع لها بالنهار واقرا بالعقيدة في الليل فقال لي مستحيل لا يوجد انسان يقرا في الطحاوية ويسمع الاغاني
فاخذ حديثنا منحنى اخر وبدا الاكشن
فحكى الشيخ شكلك مستعيره ولا بدك تعطيه لحدا فحكيتلو اه مستعيره اقراءه شكرا لقرابتي الي اهداني اياه بما اني قرات كتاب العقيدة وهاد شرح شيخ ثاني بمجلدين فقال لي اتعرف مسئلة العلو الرباني في الطحاوية وراي العلماء والاشاعرة فقلت له اعرف بس ما بهمني انا لست طالب شرعي انا فضولي واحب ان اقرا جوهر ديني ولا اهتم للشكليات ولا اهتم بمذاهب وطوائف فقال لي اكاد اقسم انك شيعي او معتزلة فقلت له لا انا عبدة شيطان بس بحب الاسلام وحاب اعتنق الاسلام عن قناعة، انصدم الشيخ وصار وجه الف لون واكتشف اني اسرح بعقله الرزين فقال لي لا يجوز انت تخرج عن الدين بهذا الكلام ولا اخفيكم سرا انني كنت مستعد اكل كف او لكمة وتبدا طوشة فعليه
فقلت له اسمع يا شيخ اقسم لك من كل صمصوم من صماصيم قلبي وكل جوارحي انك لو تبرعت لعائلة فقيرة افضل لك من ان تبني الف مسجد هذه عقيدتي ومبدئي بالحياة ولا اريد ان اتبرع لك وانتهى النقاش بسرعة بكلمة يلا مع السلامة وهو يقف امامي وانا اضع السماعات في اذني وارجع لجو المعدن واسير لبيتي وانا ارتب وقتي وافكاري لقراءة الكتاب الذي بين يدي

افضل 10 مطاعم برجر بالاردن

 FireFly Burger

المركز الاول - التقييم : 10/10

https://www.facebook.com/FireFlyBurger

متوسط السعر: ممتاز

الموقع : جبل عمان - الدوار الأول - شارع الرينبو

المطعم خرافي ورائع واكله زاكي ومميز، ديكور المكان نوعا ما جميل بس شغل توكل وتطلع مباشرة مش اكتر، وبالنسبة للسعر كتير ممتاز بالنسبة للجودة والطعم والخدمة ممتازة والموظفين كفاءة وبشوشيين، في فرع تاني للمحل بخلدا بقدم نفس الخدمات ونفس الاسعار انا بفضل الي بخلدا وحسب مسابقة قام بها موقع جيران فاير فلاي اخد المركز الاول بالاردن، يعني من الاخر اذا بتحب البرجر وما جربت المطعم لازم تروح على السريع وتاكل فيه

Burger Makers

المركز الثاني - التقييم : 9.5/10

https://www.facebook.com/Burger-Makers-561839007248330/

متوسط السعر: جيد

الموقع: شارع المدينة المنورة بجانب شاورما غزال وفي فرع اخر بالويبدة

قبل فترة ما كنت احب هالمطعم كنت احسه بقدم برجر كتير عادي وبدون اي مميزات بس جربت فرع الويبدة كان البرجر بشهي ونكهته وطعمه زاكي وسعره مقبول بالنسبة للجودة، تفاجئت بالخدمة السريعة مع العدد الهائل من الاكيلة ان صح التعبير

بعد عدة تجارب صرت احب اكل البرجر الي بعمله، موقع المطعم في جبل الويبدة كتير مميز بالنسبة الي لانو قريب من دوار باريس والشارع الي المطعم فيه كتير بجنن، يعني اذا كنت بالويبدة ما تتردد انك تجربه

BullDog

المركز الثالث - التقييم 9/10

  https://www.facebook.com/Bulldog-Hotdogmore-146594929009593/

الموقع: الفحيص بجانب دوار شاكر

 متوسط السعر: جيد نوعا ما

سمعت كتير عن هالمطعم الي عمل ضجة منيحة نسبيا من اول ما فتح فحكيت خليني اروح واجرب واحكم

البرجر زاكي واله طعم مميز غير عن كل المطاعم الصراحة وعجبني المطعم نفسه بقدم هوت دوج وزاكي تقريبا مثل مطعم الهوت دوج بشارع الرينبو " وازاب " اذا صحلك ووصلت الفحيص جرب هالمطعم

OverDoze

المركز الرابع: التقييم 9/10

https://www.facebook.com/Overdoze-Burgers-519174191550184/

الموقع: جبل عمان - الدوار الأول - شارع الرينبو - بعد المعهد البريطاني - بجانب صادق هوم

متوسط السعر: ممتاز

اول ما فتح المطعم كان الاول بعيني بلا منازع وكنت كل ما بدي اكل برجر مباشرة ما افكر بغيره بس الي خلاني احطه بالمركز الرابع هو انو المطعم ما حافظ على مستواه مثل الاول صار كتير يتاخر وما يهتم بالزبائن زي اول

بس عندو برجر خرافي جدا جدا جدا ، بمسك البرجر وبحقنها حقن، لما توكل بتحس بكل النكهات وبتحس انو اللحمة طرية وغرقانه بالصوص وديكور المحل كتير حلو بالرغم من بساطته، صاحب المحل زلمة فهمان وبهتم بنوعية الاكل الي بقدمو وكتير بسالو الزبائن عن رايهم بالاكل 

Wingers

المركز الخامس - التقييم 8/10

الموقع: شارع أحمد أبو عكاز، أحمد أبو عكاز - خلف سيفوي السابع

متوسط السعر: غالي شوي

المكان جدا مرتب وخرافي وبحطو موسيقى هادئة وفي خدمة الانترنت مجانا وعندو قعدات داخلية وخارجية بس المكان صغير شوي وشغل تقعد بالمطعم مش تاكل وتروح، بدير باله على زباينه والمحل كتير نظيف، البرجر زاكي ومنيح بستحق التجربة بس حسيته مش مطعم مختص برجر هو بقدم اجنحة دجاج وسلطات وكتير قصص

الي خلاني اعطيه هاي المرتبة هي السعر اولا غالي بالنسبة لغيره واهم مشكلة موجودة بهاد المطعم هي التاخير يعني بتطلب والموظف بوخد راحته زيادة عن اللزوم لحد ما تحس حالك بدك تتفجر جوع وفي كمان مشكلة بالمواقف

CampFire

المركز السادس - التقييم 8/10

الموقع:  بجانب مدخل السيفوي  - الدوار السابع

متوسط السعر : جيد

المطعم صغير بوسع لخمس طاولات وكتير سمعة عنو قبل ما ادخله صراحة ما جربت غير الكامب تشيكن وكانت زاكية جدا، الفرايز زاكية بس عليها نكهات غريبة على الوجه، صحابي طلبو انواع تانية وما عجبهم بالمرة حسب ما فهمت المشكلة بالنكهات

بس صراحة المطعم بستاهل يتجرب وبجوز تدمن عليه لانو كتير غريب

مشكلته الي انصدمت منها هي التوصيل، من الاخر التوصيل بهاد المطعم اشي بخزي يعني اذا فكرت توكل منو روح على المطعم وما توصي

Monkey grill

المركز السابع - التقييم 6/10

 الموقع:  شارع المدينة المنورة 

متوسط السعر: غالي بالنسبة للجودة

مشكلة هاد المطعم نفس مشكلة كل مطاعم شارع المدينة وهي الازمة المرعبة والاصطفاف، المحل جيد نوعا ما، انا اكلت فيه اكثر من مرة لقيته وسخ ومش نظيف والطاولات كان عليهم دبق، الموظفين غير لبقيين بالمرة والي على الكاش دائما وابدا زعلان ومدايق وبتنفتر بالواحد والغريب انو بكل مرة باجي بلاقيه بحكي تلفون

طلبنا انجوس برجر ما كانت انجوس حكيت للموظف هاي مش انجوس حكالي لا هاي امريكية مية بالمية وانجوس اصلي حكيتلو اذا هاد الانجوس الاصلي اعطيني وحدة مزورة لو سمحت

انا حاطه المركز السابع لاني ما بدي اظلم المحل يعني عندو برجر زاكي والقريب على شارع المدينة بقدر يجربه

Volk's burger

المركز الثامن - التقييم 5/10  

https://www.facebook.com/VolksBurgerJo/

الموقع: جبل الويبدة شارع الباعونية

متوسط السعر: غالي

المطعم صغير جدا وما بوسع وتقريبا دائما ممتلىء، نص القائمة مش موجودة اصلا يعني اذا حاب تجرب اشي جديد بحكيلك والله خالص او ما بنعملو طيب لييييييش حاطينه ؟ ، الحلو بهاد المطعم هو الموظفيين كتير خرافيين وشاطرين بالسوشال ميديا يعني كل ما تروح الا ما تلاقي كم حدا شاطر بالسوشال ميديا بوكل ببلاش عشان يشتغل للمطعم شوي

وفي كمان مشكلة انو بتاخر كتير لحد ما يوصل الطلب والغريب انهم كلهم 3 طاولات ليش بتاخر

بالنسبة للبرجر، كتير زاكي عشان هيك معطيه 5 نقاط

صحيح اذا حبيت تجرب هالمطعم حاول ما توسخ ايديك عشان مافي تواليت ولا مكان تغسل فيه

 

feel burger

المركز التاسع - التقييم 3/10

https://www.facebook.com/feel.amman1/

الموقع: الصويفية خلف بن العميد مبنى ضريبة الدخل
متوسط السعر: غالي قليلا بالنسبة للجودة

ديكور المطعم رائع وحلو واتوقع هاد الاشي الوحيد الايجابي الي انا شايفه 

البرجر بتحسه كفته وعليها شوية بهارات والطعم غير مميز ابدا، الشيء الوحيد الي خلاني اضيفه الى افضل 10 مطاعم برجر بعمان هو شهرة المحل وبين كل فترة والثانية ممكن تزبط وتوكل اشي زاكي، بس بنصح بتجربته لانو الناس اذواق وفي كمية لا بأس بها بتحب هالمطعم ممكن تكون منهم

18 century

المركز الاخير: التقييم 1/10

https://www.facebook.com/18thCenturyBurger/

الموقع : صويفية

متوسط السعر: غالي جدا جدا يعني بين قوسيين حريقة

الشيء السيء الوحيد الي بخليني احط هاد المطعم باخر القائمة هو سعره مقارنة بجودته، يعني بتحس المطعم بضحك عليك عيني عينك ، البرجر جدا عادي ممكن برجر فيل تتفوق عليه ، البطاطا جدا سيئة والبيبسي او الكولا من آلة بتكون خفيفة ومرات بتخزي ومسموحلك ترجع تعبي قد ما بدك، انا بنصح بزيارته عشان تتصور فيه لانو بعطوك طواقي ومسدسات زي تاعون الكاوبوي زمان وهاي فكرة المحل اصلا، وبعد ما تتصور ما اتوقع راح تعيد التجربة

  

تجربتي مع Microsoft Edge باللهجة الاردنية

تجربتي مع مايكروسوفت وقعة او مايكروسوفت حفة ان صح التعبير

Microsoft Edge

طبعا ككثير من مستعملين الويندوز وتطبيقات مايكروسوفت كما هو معتاد ان نضغط على ايقونة متصفح الويندوز للإنترنت "إكسبلورر" لتنزيل الكروم او الفاير فوكس وينتهي دور مايكروسوفت عند هذا الحد

ومايكروسوفت بطبعها لا تحب الاعتراف بفشلها فقد طرحت وطورت العديد من إصدارات هذا المتصفح الذي لا يرتقي حتى ان تفتح الجوجل العظيم من خلاله ...
لبرهة من الوقت ادركت مايكروسوفت ما فعلت وان المتصفح ذاتها اصبح نكتة عند المبرمجين والمستخدمين وما لبث العالم ان اخرج ملايين الصور والتخويتات على هذا المتصفح الفاشل

طيب طقع شو تعمل مايكروسوفت ؟
بتطلع متصفح الحفة وبتحكي انو بضاهي الفايرفوكس او الكروم

طيب خلينا نشوف شو مميزات هالمتصفح الجديد الي مايكروسوفت بتحكي انو احسن اشي
1- بدو ويندوز 10 عشان ينزل وهو المتصفح الافتراضي
2- المفروض انو بشتغل على كل المشغلات

The Interface
صراحة كتير حلو وما عليه حكي وبتقدر تنقي الستايل والثيم الي بعجبك

Features
في خاصية حلوة عجبتني هي انك بتقدر تضلل اي شي وتحفظه لاحقا عشان تقراوا

Developer Tools
يعني مش شايف اشي جديد فيها وبالتأكيد الحشرة المحروقة افضل واحسن
FireBug

بدعم ال HTML5
بقوة كمان

بس كالعادة مش بمستوى الكروم
بتقصه التالي
web components
WebRTC
the picture element
service workers
server-sent events
web notifications
canvas drawing primitives
some form fields and audio/video codecs.

وبالنسبة لل
Performance

بحكو انو بوخد رام زي الكروم بس عدد معالجات اقل
يعيني زي ما بحكو المفروض انو اسرع متصفح واحسنها

تجربتي الشخصية ::

صراحة عجبني اول ما استعملتو وحسيت مايكروسوفت عملت اشي خرافي
بس بعـــــــــلق بعلق بعلق يعني تعليقة مقنعة هاي الي بتخليك تحس انو مش معلق بس هو معلق
يعني على سبيل المثال لما اعمل دردشة على الفيسبوك واكتب بسرعة الكلمات بتاخد وقت عشان تطلع ومرات كتير بعلق وبشطب الكلام لانو مش بالسرعة الكافية انو يلحق علي

وصراحة مش عارف ليش !!!!!! ليش ؟ ليش ؟
ما علينا
بعد التجربة انا بفضل اشتغل على الفايرفوكس او كروم
وتبقى مايكروسوفت تحاول اللحاق بالجوجل بالرغم من وجود كبار المبرمجين وافضلهم في العالم في الشركة

لكن !!

يلا باي