افضل 10 مطاعم برجر بالاردن

 FireFly Burger

المركز الاول - التقييم : 10/10

https://www.facebook.com/FireFlyBurger

متوسط السعر: ممتاز

الموقع : جبل عمان - الدوار الأول - شارع الرينبو

المطعم خرافي ورائع واكله زاكي ومميز، ديكور المكان نوعا ما جميل بس شغل توكل وتطلع مباشرة مش اكتر، وبالنسبة للسعر كتير ممتاز بالنسبة للجودة والطعم والخدمة ممتازة والموظفين كفاءة وبشوشيين، في فرع تاني للمحل بخلدا بقدم نفس الخدمات ونفس الاسعار انا بفضل الي بخلدا وحسب مسابقة قام بها موقع جيران فاير فلاي اخد المركز الاول بالاردن، يعني من الاخر اذا بتحب البرجر وما جربت المطعم لازم تروح على السريع وتاكل فيه

Burger Makers

المركز الثاني - التقييم : 9.5/10

https://www.facebook.com/Burger-Makers-561839007248330/

متوسط السعر: جيد

الموقع: شارع المدينة المنورة بجانب شاورما غزال وفي فرع اخر بالويبدة

قبل فترة ما كنت احب هالمطعم كنت احسه بقدم برجر كتير عادي وبدون اي مميزات بس جربت فرع الويبدة كان البرجر بشهي ونكهته وطعمه زاكي وسعره مقبول بالنسبة للجودة، تفاجئت بالخدمة السريعة مع العدد الهائل من الاكيلة ان صح التعبير

بعد عدة تجارب صرت احب اكل البرجر الي بعمله، موقع المطعم في جبل الويبدة كتير مميز بالنسبة الي لانو قريب من دوار باريس والشارع الي المطعم فيه كتير بجنن، يعني اذا كنت بالويبدة ما تتردد انك تجربه

BullDog

المركز الثالث - التقييم 9/10

  https://www.facebook.com/Bulldog-Hotdogmore-146594929009593/

الموقع: الفحيص بجانب دوار شاكر

 متوسط السعر: جيد نوعا ما

سمعت كتير عن هالمطعم الي عمل ضجة منيحة نسبيا من اول ما فتح فحكيت خليني اروح واجرب واحكم

البرجر زاكي واله طعم مميز غير عن كل المطاعم الصراحة وعجبني المطعم نفسه بقدم هوت دوج وزاكي تقريبا مثل مطعم الهوت دوج بشارع الرينبو " وازاب " اذا صحلك ووصلت الفحيص جرب هالمطعم

OverDoze

المركز الرابع: التقييم 9/10

https://www.facebook.com/Overdoze-Burgers-519174191550184/

الموقع: جبل عمان - الدوار الأول - شارع الرينبو - بعد المعهد البريطاني - بجانب صادق هوم

متوسط السعر: ممتاز

اول ما فتح المطعم كان الاول بعيني بلا منازع وكنت كل ما بدي اكل برجر مباشرة ما افكر بغيره بس الي خلاني احطه بالمركز الرابع هو انو المطعم ما حافظ على مستواه مثل الاول صار كتير يتاخر وما يهتم بالزبائن زي اول

بس عندو برجر خرافي جدا جدا جدا ، بمسك البرجر وبحقنها حقن، لما توكل بتحس بكل النكهات وبتحس انو اللحمة طرية وغرقانه بالصوص وديكور المحل كتير حلو بالرغم من بساطته، صاحب المحل زلمة فهمان وبهتم بنوعية الاكل الي بقدمو وكتير بسالو الزبائن عن رايهم بالاكل 

Wingers

المركز الخامس - التقييم 8/10

الموقع: شارع أحمد أبو عكاز، أحمد أبو عكاز - خلف سيفوي السابع

متوسط السعر: غالي شوي

المكان جدا مرتب وخرافي وبحطو موسيقى هادئة وفي خدمة الانترنت مجانا وعندو قعدات داخلية وخارجية بس المكان صغير شوي وشغل تقعد بالمطعم مش تاكل وتروح، بدير باله على زباينه والمحل كتير نظيف، البرجر زاكي ومنيح بستحق التجربة بس حسيته مش مطعم مختص برجر هو بقدم اجنحة دجاج وسلطات وكتير قصص

الي خلاني اعطيه هاي المرتبة هي السعر اولا غالي بالنسبة لغيره واهم مشكلة موجودة بهاد المطعم هي التاخير يعني بتطلب والموظف بوخد راحته زيادة عن اللزوم لحد ما تحس حالك بدك تتفجر جوع وفي كمان مشكلة بالمواقف

CampFire

المركز السادس - التقييم 8/10

الموقع:  بجانب مدخل السيفوي  - الدوار السابع

متوسط السعر : جيد

المطعم صغير بوسع لخمس طاولات وكتير سمعة عنو قبل ما ادخله صراحة ما جربت غير الكامب تشيكن وكانت زاكية جدا، الفرايز زاكية بس عليها نكهات غريبة على الوجه، صحابي طلبو انواع تانية وما عجبهم بالمرة حسب ما فهمت المشكلة بالنكهات

بس صراحة المطعم بستاهل يتجرب وبجوز تدمن عليه لانو كتير غريب

مشكلته الي انصدمت منها هي التوصيل، من الاخر التوصيل بهاد المطعم اشي بخزي يعني اذا فكرت توكل منو روح على المطعم وما توصي

Monkey grill

المركز السابع - التقييم 6/10

 الموقع:  شارع المدينة المنورة 

متوسط السعر: غالي بالنسبة للجودة

مشكلة هاد المطعم نفس مشكلة كل مطاعم شارع المدينة وهي الازمة المرعبة والاصطفاف، المحل جيد نوعا ما، انا اكلت فيه اكثر من مرة لقيته وسخ ومش نظيف والطاولات كان عليهم دبق، الموظفين غير لبقيين بالمرة والي على الكاش دائما وابدا زعلان ومدايق وبتنفتر بالواحد والغريب انو بكل مرة باجي بلاقيه بحكي تلفون

طلبنا انجوس برجر ما كانت انجوس حكيت للموظف هاي مش انجوس حكالي لا هاي امريكية مية بالمية وانجوس اصلي حكيتلو اذا هاد الانجوس الاصلي اعطيني وحدة مزورة لو سمحت

انا حاطه المركز السابع لاني ما بدي اظلم المحل يعني عندو برجر زاكي والقريب على شارع المدينة بقدر يجربه

Volk's burger

المركز الثامن - التقييم 5/10  

https://www.facebook.com/VolksBurgerJo/

الموقع: جبل الويبدة شارع الباعونية

متوسط السعر: غالي

المطعم صغير جدا وما بوسع وتقريبا دائما ممتلىء، نص القائمة مش موجودة اصلا يعني اذا حاب تجرب اشي جديد بحكيلك والله خالص او ما بنعملو طيب لييييييش حاطينه ؟ ، الحلو بهاد المطعم هو الموظفيين كتير خرافيين وشاطرين بالسوشال ميديا يعني كل ما تروح الا ما تلاقي كم حدا شاطر بالسوشال ميديا بوكل ببلاش عشان يشتغل للمطعم شوي

وفي كمان مشكلة انو بتاخر كتير لحد ما يوصل الطلب والغريب انهم كلهم 3 طاولات ليش بتاخر

بالنسبة للبرجر، كتير زاكي عشان هيك معطيه 5 نقاط

صحيح اذا حبيت تجرب هالمطعم حاول ما توسخ ايديك عشان مافي تواليت ولا مكان تغسل فيه

 

feel burger

المركز التاسع - التقييم 3/10

https://www.facebook.com/feel.amman1/

الموقع: الصويفية خلف بن العميد مبنى ضريبة الدخل
متوسط السعر: غالي قليلا بالنسبة للجودة

ديكور المطعم رائع وحلو واتوقع هاد الاشي الوحيد الايجابي الي انا شايفه 

البرجر بتحسه كفته وعليها شوية بهارات والطعم غير مميز ابدا، الشيء الوحيد الي خلاني اضيفه الى افضل 10 مطاعم برجر بعمان هو شهرة المحل وبين كل فترة والثانية ممكن تزبط وتوكل اشي زاكي، بس بنصح بتجربته لانو الناس اذواق وفي كمية لا بأس بها بتحب هالمطعم ممكن تكون منهم

18 century

المركز الاخير: التقييم 1/10

https://www.facebook.com/18thCenturyBurger/

الموقع : صويفية

متوسط السعر: غالي جدا جدا يعني بين قوسيين حريقة

الشيء السيء الوحيد الي بخليني احط هاد المطعم باخر القائمة هو سعره مقارنة بجودته، يعني بتحس المطعم بضحك عليك عيني عينك ، البرجر جدا عادي ممكن برجر فيل تتفوق عليه ، البطاطا جدا سيئة والبيبسي او الكولا من آلة بتكون خفيفة ومرات بتخزي ومسموحلك ترجع تعبي قد ما بدك، انا بنصح بزيارته عشان تتصور فيه لانو بعطوك طواقي ومسدسات زي تاعون الكاوبوي زمان وهاي فكرة المحل اصلا، وبعد ما تتصور ما اتوقع راح تعيد التجربة

  

تجربتي مع Microsoft Edge باللهجة الاردنية

تجربتي مع مايكروسوفت وقعة او مايكروسوفت حفة ان صح التعبير

Microsoft Edge

طبعا ككثير من مستعملين الويندوز وتطبيقات مايكروسوفت كما هو معتاد ان نضغط على ايقونة متصفح الويندوز للإنترنت "إكسبلورر" لتنزيل الكروم او الفاير فوكس وينتهي دور مايكروسوفت عند هذا الحد

ومايكروسوفت بطبعها لا تحب الاعتراف بفشلها فقد طرحت وطورت العديد من إصدارات هذا المتصفح الذي لا يرتقي حتى ان تفتح الجوجل العظيم من خلاله ...
لبرهة من الوقت ادركت مايكروسوفت ما فعلت وان المتصفح ذاتها اصبح نكتة عند المبرمجين والمستخدمين وما لبث العالم ان اخرج ملايين الصور والتخويتات على هذا المتصفح الفاشل

طيب طقع شو تعمل مايكروسوفت ؟
بتطلع متصفح الحفة وبتحكي انو بضاهي الفايرفوكس او الكروم

طيب خلينا نشوف شو مميزات هالمتصفح الجديد الي مايكروسوفت بتحكي انو احسن اشي
1- بدو ويندوز 10 عشان ينزل وهو المتصفح الافتراضي
2- المفروض انو بشتغل على كل المشغلات

The Interface
صراحة كتير حلو وما عليه حكي وبتقدر تنقي الستايل والثيم الي بعجبك

Features
في خاصية حلوة عجبتني هي انك بتقدر تضلل اي شي وتحفظه لاحقا عشان تقراوا

Developer Tools
يعني مش شايف اشي جديد فيها وبالتأكيد الحشرة المحروقة افضل واحسن
FireBug

بدعم ال HTML5
بقوة كمان

بس كالعادة مش بمستوى الكروم
بتقصه التالي
web components
WebRTC
the picture element
service workers
server-sent events
web notifications
canvas drawing primitives
some form fields and audio/video codecs.

وبالنسبة لل
Performance

بحكو انو بوخد رام زي الكروم بس عدد معالجات اقل
يعيني زي ما بحكو المفروض انو اسرع متصفح واحسنها

تجربتي الشخصية ::

صراحة عجبني اول ما استعملتو وحسيت مايكروسوفت عملت اشي خرافي
بس بعـــــــــلق بعلق بعلق يعني تعليقة مقنعة هاي الي بتخليك تحس انو مش معلق بس هو معلق
يعني على سبيل المثال لما اعمل دردشة على الفيسبوك واكتب بسرعة الكلمات بتاخد وقت عشان تطلع ومرات كتير بعلق وبشطب الكلام لانو مش بالسرعة الكافية انو يلحق علي

وصراحة مش عارف ليش !!!!!! ليش ؟ ليش ؟
ما علينا
بعد التجربة انا بفضل اشتغل على الفايرفوكس او كروم
وتبقى مايكروسوفت تحاول اللحاق بالجوجل بالرغم من وجود كبار المبرمجين وافضلهم في العالم في الشركة

لكن !!

يلا باي

افضل الطرق لتتخلص من الطاقة السلبية في المنزل

من اين تاتي الطاقة السلبية

تاتي الطاقة السلبية في المنزل عندما تاتي البيت متعبا ومتوترا وتجلس على الاريكة لعدد من الايام فانت بهذه الحالة تنسخ طاقة التوتر وتنقلها الى المواد المادية مثل الاريكة والوسادة والسجادة وكل ما هو حولك حتى فراشك

عندما يأتي صديقك او والدك ويجلس على الاريكة ويتكلم معك بغضب وهو يروي قصة ازعجته او انه حتى يعاتبك وحتى غير ذلك لو ان صديقك يروي لك قصة ازعجته

فيض المشاعر والغضب سوف يتحول الى طاقة وهذه الطاقة سوف تخزن في كل شيء لمسه وعلى حسب قوة هذه الطاقة من الممكن ان تنتقل بين الاشياء ولربما تنتقل للغرفة كاملة

كيف يمكن التخلص من هذه الطاقة

التنظيف الفيزيائي

عليك بتنظيف المنزل كالمعتاد ولكن هنا يجب ان تقوم بنفض الوسائد والكنب والملابس وكل شيء كأنك 

حقيقة تقوم بعملية تنظيف الاشياء من الطاقة السلبية 

الملح

احد اقوى المواد الموجودة على الارض والقادر على تنظيف كل انواع الطاقة سواء ايجابية او سلبية او حتى متعادلة هو الملح

الملح عنصر قوي جدا في فناء وتفتيت الطاقة السلبية لذلك اهتم بالملح بالتنظيف

واسئل نفسك لماذا تشعر بالارتياح عندما تجلس بجانب البحر ؟

لإن الملح يقوم بسحب الطاقة السلبية منك ويركز الطاقة المتعادلة

 عليك بنثر الملح بكميات قليلة حول الاشياء فوق البلاط فوق السجاد فوق الطاولات فوق كل شيء تقريبا ولو امكنك ذوب الملح بالماء ورش الماء على الحائط

اترك الملح لعدد من الساعات من 6 الى 7 ساعات ثم نظف الملح اتوقع هذه الخطوة يجب ان تتم بالصباح الباكر قبل الخروج الى العمل لضمان فعالية وبقاء الملح بمكانه ليقوم بمهمته

غير جو الغرفة

 بين كل فترة واخرى يجب تغيير هواء الغرفة خاصة بالشتاء والحصول على هواء انظف فانت لا تعلم ان الهواء الذي تتنفسه لربما تتنفسه لايام واشهر فالهواء يكون محمل بطاقة سلبية وربما طاقة المرض لانك  مرضت فيما سبق ونسخت طاقة المرض للهواء هذا يساعد بشكل كبير على حصولك على مرض من نفس الهواء الملوث

اشتري نبتة 

وجود النباتات في الغرفة يعطي طاقة الحياة بطريقة رائعة جدا وهو كفيل تنقية وتنظيف هواء الغرفة

غير ترتيب الاشياء في الغرفة

ان نمط حياتك يرسم شكل من اشكال الطاقة في البيت فمرورك وجلوسك وكل شيء تقوم فيه ضمن نمط معين يرسم طاقة التي تتخزن في الاشياء المادية حولك

حاول كل 6 اشهر تغيير اماكن الاشياء غير ترتيب الكنب و محل التلفاز وحاول ان تغيير مكان الصور والاشياء وانتبه من تكديس الاشياء فوق بعضها البعض ذلك يخزن طاقة سلبية بشكل اكبر

المريمية

لربما تعتقد انك سوف تقوم بطقوس سحر وشعوذة اذا قرات ما يجب ان تعمل بالمرمية

الميرمية نبات مقدس عند بعض الشعوب وذلك لانه سيد النباتات في سحب الطاقة

يجب ان تحرق اطراف الميرمية وتبخر البيت بهذا الدخان

وان لم تعجبك الفكرة فابمكانك الاستغناء عن هذه النقطة

غسل الملابس بالماء والملح

عندما تلبس الملابس الجديدة تشعر بالراحة لكن عندما تلبس شيء قديم جدا تشعر بسحب الطاقة منك ذلك ان الملابس تخزن بشكل كبير جدا الطاقة الخارجة منك وعلى الاغلب الملابس تخزن الطاقة السلبية اكثر بكثير من الايجابية

لاحظ انك عندما تلبس ملابس صديقك تحس مباشرة فيه لان طاقته مختزنة في ملابسه

ولذلك عليك بتنظيف الملابس كل فترة بالملح لتسحب الطاقة منها وتفتتها

اشتري قطة

ان وجود القطط بالبيت تعطي طاقة الحياة القطط تعطي طاقة ايجابية عظيمة جدا لا يمكن ان تتخيل مقدار الطاقة التي تعطيها القطط الا اذا اقتنيت قطة واحسنت معاملتها

القطط كانت كائنات مقدسة عند الفراعنة وكانت حارسة القبور

والعديد يربط القطط السوداء بالساحرات كما في الافلام